Um okkur

Í hverri viku eiga sér stað milljónir augnablika þar sem viðskiptavinur fær drykk frá kaffibarþjón hjá Starbucks - en hvert slíkt augnablik er einstakt.

Þetta virðist einfalt – bolli er réttur yfir borðið til viðtakanda.

En það er tenging til staðar.

Við leggjum mikið upp úr því að þessi tenging skipti máli. Hvort sem það snýst um að bjóða upp á besta kaffið í heimi eða eiga heiðarleg og ábyrg samskipti við viðskiptavini og samfélögin sem við störfum í, þá viljum við alltaf standa undir trausti.

Starbucks hóf göngu sína sem eitt lítið kaffihús fyrir nærri fjörutíu árum síðan. Frá þeim degi höfum við leitast við að hafa jákvæð áhrif – hvert sem við förum og þar sem við höfum áhrif – með því að skilja staðinn eftir aðeins betri en hann var.

Arfleifð okkar

Við förum til vinnu á hverjum degi með tvö meginmarkmið í huga: að deila frábæru kaffi með vinum okkar og gera allt sem við getum til að gera heiminn aðeins betri.

Þessi hugsjón hefur fylgt okkur allt frá því Starbucks opnaði fyrst árið 1971, og hún lifir enn í dag.

Þá var Starbucks aðeins lítið kaffihús á sögufræga Pike Place-markaðnum í Seattle. Þrátt fyrir þröngt verslunarrými bauð kaffihúsið upp á eitt besta nýristaða baunakaffi í heimi. Nafnið Starbucks, sem innblásið er af skáldsögunni Moby Dick, vakti upp rómantík úthafanna og minnti á siglingahefðir fyrstu kaffikaupmanna.

Árið 1981 gekk Howard Schultz (síðar stjórnarformaður og forstjóri Starbucks) inn í Starbucks í fyrsta sinn. Eftir fyrsta bollann sinn af Sumatra-kaffi laðaðist hann svo að fyrirtækinu að hann gekk til liðs við fyrirtækið ári síðar.

Árið 1983 ferðaðist Howard til Ítalíu og heillaðist þar af ítölsku kaffihúsunum, stemmingunni, samfélaginu og menningunni í kringum kaffið. Hann fékk þá sýn að færa ítölsku kaffihúsamenninguna vestur um haf og skapa stað þar sem fólk gæti hist, spjallað og tengst, svokallaðan "þriðja stað", á milli heimilis og vinnu. Howard yfirgaf Starbucks í skamman tíma til að stofna eigin kaffihús, Il Giornale, en sneri aftur í ágúst 1987 og keypti Starbucks með aðstoð innlendra fjárfesta.

Frá upphafi hefur Starbucks haft það að leiðarljósi að vera öðruvísi fyrirtæki. Fyrirtæki sem ekki aðeins fagnaði góðu kaffi og ríkri hefð, heldur einnig fyrirtæki sem skapaði tengsl við fólk.

Í dag er Starbucks fremsti ristari og söluaðili kaffis í heiminum og rekur yfir 32 þúsund kaffihús í 80 löndum. Við kappkostum að halda í arfleifð okkar og skapa einstaka upplifun - í hverjum bolla.

Markmið Starbucks

Að vera leiðandi á heimsvísu í framreiðslu á hágæða kaffi og veita innblástur og næra hinn mannlega anda - einn einstakling, einn bolla og eitt hverfi í einu.
 

Gildi Starbucks

Við náum árangri með mannlegum hætti:

FAGMENNSKA
Við finnum gleði í nákvæmni og smáatriðum – sama hvaða starfi við sinnum.
Við lærum og miðlum þekkingu í þágu vaxtar.
Við vinnum af ástríðu og sköpunarkrafti til að skila framúrskarandi árangri.

ÁRANGUR
Við náum markmiðum okkar af einurð, heiðarleika og festu.
Viðt leitum stöðugt nýrra leiða til að vera á undan straumum
Við förum fram úr væntingum þeirra sem við þjónustum.

HUGREKKI
Við tökumst á við erfið samtöl af virðingu, til að verða betri saman.
Við fylgjum djörfum hugmyndum eftir, jafnvel fyrir utan þægindarammann.
Við gerum það sem er rétt, jafnvel þegar það er erfitt.

TILHEYRING
Við hlustum af alúð og tengjumst með hlýju og hreinskilni.
Við sjáum og metum hvern og einn eintakling fyrir það sem hann er.Við sýnum hvert öðru virðingu og umhyggju.

GLEÐI
Við erum stolt af starfi okkar og skemmtum okkur á sama tíma.
Við sköpum jákvæða orku sem hvetur aðra áfram.
Við fögnum hvort öðru og sigrunum okkar saman.

 

Loforð okkar

Sameiginlegur árangur sem við skuldbindum okkur öll til að uppfylla:
Loforð okkar til samstarfsfólks - að byggja brú að betri framtíð
Loforð okkar til viðskiptavina - Að bjóða besta kaffi sem völ er á
Loforð okkar til kaffibænda - Að tryggja framtíð kaffis með hag allra í huga
Loforð okkar til samfélagsins - Að leggja okkar af mörkum á jákvæðan hátt
Loforð okkar til umhverfisins - Að gefa meira en við tökum
Loforð okkar til hluthafa - Að skapa ávöxtun til lengri tíma